Liverpool na Tottenham mu Mukino wa Nyuma wa Champions League

June 1, 2019   Sports, Top News   No comments
Mohamed Salah wa Liverpool na Harry Kane wa Tottenham
Umukino wa nyuma w’irushanwa rya UEFA Champions League rihuza amakipe akomeye ku mugabane w’Ubulayi urakinwa uyu munsi mu mujyi wa Madrid mu gihugu cya Espagne.

Ni umukino uhuza ku nshuro ya mbere amakipe abiri yo mu Bwongereza ari yo Liverpool na Tottenham Hotspur.
Ku ikipe ya Liverpool ni amahirwe yo kugerageza gutsindira icyo gikombe ku nshuro ya gatandatu mu gihe Tottenham yo bwaba ari ubwa mbere yegukanye icyo gikombe.
Umwaka ushize na none Liverpool yari yageze ku mukino wa nyuma iza gutsindwa na Real Madrid, ubwo rutahizamu wayo Mohamed Salah yavaga mu kibuga kubera imvune.
Hari hashize hafi imyaka 35 ikipe ya Tottenham itagera ku mukino wa nyuma mu marushanwa y’amakipe ku mugabane w’Ubulayi.
Hakomeje kwibazwa niba umutoza Mauricio Pochettino ari bukinishe rutahizamu wa Tottenham Harry Kane umaze igihe mu mvune.
Ku mutoza Jurgen Klopp wa Liverpool, arifuza ko ikipe ye itsinda nyuma yo gutsindwa inshuro esheshatu nk’umutoza mu mukino wa nyuma.
Skip to toolbar