Iyo witegereje imbaraga leta y’uRwanda repubulika ya lll itemewe n’amategeko,imbaraga ikoresha kwica abanyagihugu bayo banenga imikorere yayo idahwitse,ushobora gutekereza yuko atari leta ya fpr yamamaye ku isi yivuga ibigwi ko ariyo yakijije abaturage b’uRwanda mu gihe amahanga bivugwa ko yareberaga nyamara aribo babujije amahanga gutabara abaturage kugirango bifatire ubutegetsi.

Muri politiki y’abarepubulike habamo ibinyoma,ariko uko iminsi igenda ibegereza wa munsi utegerejwe n’abakiranutsi,niko ikinyoma cyicaye ku ntebe mu buryo butajyanye n’amategeko kijyenda gisohoza kurimbuka.FPR irimo kugeregeza gukoresha uburyo bwose bushoboka ikoresheje inzego zose z’amaboko y’ubutegetsi bwayo,itibagiwe gukoresha abanyaguihugu b’amoko yose cyane abo mu bwoko bw’abahutu kwitandukanya nabanyarwanda bo mu bwoko bw’abatutsi kugirango batazishyira hamwe bakabyara umusaruro wogukura fpr kubutegetsi.

Ariko twakwibutsa yuko ,kudondagura ku inkoko atariko gutoragura kwayo,ndetse witegereje inkoko uburyo isanza ibintu byose ishakisha utwokurya watekereza yuko idashobora kugeza nimugoroba igitoragura!.Ariko ushobora gutangazwa ni uko izuba ririnda rirenga ikiraha igitoragura kuburyo ishobora kwinjira mu nzu aho irara itarahaga.

Nyamara iyo bukeye yongera gutangirira aho ejo yagereje,hari n’igihe,agaca gatwara imishwi yayo yibereye mukuraha,nyamara urusaku rwayo ntirushobora kubuza agaca gutwara umushwi kuko agaca ko gahanga amaso imikorere y’inkoko mu gihe inkoko itungurwa no kumanuka kwa gaca igashiduka kayitwaye umushwi wayo.

Imikorere ya leta y’uRwanda twayigereranya no kuraha ku inkoko,nta munyarwanda runaka wagenewe gukuraho Kaga Paul,kuko biramutse bibaye gutyo abo dutekereza ko bazakuiraho FPR,wasanga abasigaye babarirwa ku ntoki.Ndetse nta nibyiringiro twakongera kwigirira,ariko kuko Uwiteka Imana yamaze gutegura uko gahunda zizakorwa,niyompamvu ibyo fpr ikora byose kugirango itazakurwa kubutegetsi yafashe ku ngufu zagisirikareumuntu yabyita ko bisa no kuvomera mukiva.

FPR yishe abanyarwanda bo mu bwoko bw’abahutu benshi cyane babanyapolitiki yibwira yuko  kubarangiza bizayiha ibyiringiro byo kuramba ku ngoma,yongera kwikuza abanyarwanda bo mu bwoko bw’abatutsi kuko izi neza ko bazi neza ibanga fpr yakoresheje kugirango ibashe kugera kubutegetsi,ariko yaribeshye cyane kuko umugambi w’Uwiteka Imana warunyuranye cyane nimitekerereze ya fpr kuko Imana idashobora guhuza imitekerereze n’abana b’abantu.

Niyompamvu yasohoye ubuhanuzi mbere y’igihe kugirango abitekereza nkaho aribo bazageza amahoro arambye kubanyarwanda bakur e amerwe mu isaho,ahubwo bashake mu maso h’Uwiteka Imana kugirango niba bishoboka nabo bazagirirwe ubuntu bwokuzaba ibikoresho by’Uwiteka Imana.Igitangaje n’uburyo Imana igenda ishyira ahagaragara imikorere inyuranye n’imigambi yayo,cyangwa igashyira ahagaragara imigambi yayo ititaye ko fpr yayiburizamo kuko biyemeje guhangana n’Imana yo mu ijuru.