Amerika yareze mu butungane abategetsi ba gisirikare 5 b’Ubushinwa bakora mu kigo c’igisirikare kiri i Shanghai.
Umushikirazamanza wa leta zunze umwe za Amerika, Eric Holder yamenyesheje ko abo bagabo bagirizwa ubusumyi bw’urusaku bakoresheje internet, bakinjira mu bubiko bw’ibanga bw’amashirahamwe yo muri Amerika.
Ni ubwa mbere Amerika ishinja abategetsi bo hanze, ivyaha vy’ubusumyi bw’urusaku mu vy’ubutunzi.
Abo Bashinwa bagirizwa kuvogera igiko ca Amerika kijejwe inguvu za nucleaire, amahinguriro y’ubutare bw’ivyuma hamwe n’ibikoresho bihingura inguvu z’izuba, bagaha amakuru baronse amashiramwe yo mu Bushinwa.
Icegeranyo gishasha ku kuntu urubura rupfukiriye ibahari Antartic rwifashe, kivuga ko urwo rubura ruza rurashongako amatoni imiriyaridi 160 buri mwaka.
Ingaruka zikaba ari ukwiyongera kw’amazi, bikabangamira abatuye ku nkengero z’inzuzi.
Umuvuduko urwo rubura rushongako, ukuvye 2 uwariho mu myaka 4 iheze.
Ikigo ca Buraya kigenzura ikirere cakoresheje ivyuma vya radar bijejwe kungenzura ingene urwo rubura ruza rurahindagurika.
Ubushakashatsi bwashizwe n’ikigo ca Amerika kije ikirere, NASA, bwerekana ko mu gihe urubura rwose rwa Antarctic rwoshonga, amabahari yo kw’isi yo kwiyongerako imetero 1.
Umurwi w’abagore bakundana n’abapadiri bandikiye Papa Fransisiko bamusaba kuvugurura itegeko rya kiliziya gatorika ribuza abapadiri kurongora.
Abo bagore 26 baturuka mu Butaliyani n’ahandi ku isi, baravuga ko bose bakundana cyangwa bifuza gukundana n’umupadiri, baravuga ko banditse mu izina ry’abandi bagore bameze nkabo.
Iyo baruwa yabo iravuga akababaro ko kuba badashobora kubaho ubuzima bwuzuye, bakaba basaba kubonana na Papa Fransisiko.
Papa Fransisiko yigeze kuvuga ko ashyigikiye ko abapadiri batarongora, ariko mu 2010 yavuze ko bishoboka ko yahindura ibitekerezo bye.
