Paul Kagame yamenyereye gucuruza umunyapolitike Umuhoza Ingabire Victoire, ubushize byamuhesheje kuyobora umuryango uvuga igifaransa abifashijwemo na Emmanuel Macron, abonye ko manda ya Louise Mushikiwabo irangiye, arongera aramufata aramufunga. Yibwiraga ko ahari bizamufasha kongera gukanga abazungu ndetse akanamusabisha amashillingi, agira ibyago asanga baramumenye ntibyamuhira.

None amaze kubona ko Mushikiwabo atazatsinda amatora kuko na DRCongo yashyizemo umukandida ku buryo kuzatsinda ku nshuro ya kabili bitazashoboka. Ariko noneho kurikira iyi myanzuro yurubanza y’urukiko rw’ikirenga rwo mu Rwanda urumirwa. Zavuyeho barazineye pe!

Inkuru ya bbc gahuza

Urukiko rw’Ikirenga rwemeje ko ikirego cya Victoire Ingabire gifite ishingiro, mu Bubiligi ho habera imyigaragambyo

Jean Claude Mwambutsa i Kigali & Majesté Barenga i Bruxelles

Igikorwa,BBC Gahuzamiryango

16 Ukwa mbere 2026

Urukiko rw’Ikirenga mu Rwanda rwemeje ko ikirego umunyapolitike Victoire Ingabire yatanze avuga ko afunze binyuranyije n’amategeko gifite ishingiro bityo kigomba kuburanishwa guhera mu kwezi kwa Werurwe(3).

Ingabire n’umwunganizi we mu mategeko baregeye Urukiko rw’Ikirenga nyuma y’uko Urukiko Rukuru rwari rwatesheje agaciro ikirego cye, ruvuga ko nta shingiro gifite.

Urukiko i Kigali rwafashe umwanzuro mu gihe i Bruxelles mu Bubiligi imbere y’Inteko Ishinga Amategeko y’Ubumwe bw’Uburayi abashyigikiye Victoire Ingabire bakoze imyigaragambyo basaba uwo muryango gushyira mu bikorwa umwanzuro wafashe umwaka ushize.

Uwo mwanzuro wasaba u Rwanda kurekura nta mananiza Victoire Ingabire.

Victoire Ingabire, azwi nk’impirimbanyi ya politike akaba n’umwe mu batavuga rumwe n’ubutegetsi bw’u Rwanda.

Uyu munsi ntabwo Ingabire yari mu cyumba cy’Urukiko rw’Ikirenga i Kigali ariko umwunganizi we mu mategeko Me Félicien Gashema yari ahari.

Ingabire yafunzwe muri Kamena (6) ishize nyuma yuko yitabye Urukiko nk’umuntu waje gutanga amakuru mu rubanza rwa bamwe mu bari abayoboke b’ishyaka rye baregwa ibyaha birimo gushaka guhirika ubutegetsi badakoresheje inzira y’intambara.

Urwego rukora iperereza ku byaha mu Rwanda rwavuze ko yafunzwe “mu rwego rwo gushyira mu bikorwa icyemezo cy’Urukiko Rukuru”, rutanyuzwe n’amakuru yatanze ku bayoboke be bamaze igihe baburana.

Victoire Ingabire: Urukiko rw’ikirenga rw’u Rwanda rwatesheje agaciro ikirego cy’Umunyapolitiki utavuga rumwe n’ubutegetsi

Jean Claude Mwambutsa

Igikorwa,BBC Gahuzamiryango, 

Yakoze inkuru ari,i Kigali

27 Ukwa gatatu 2026

Urukiko rw’ikirenga rwatesheje agaciro ikirego cy’Umunyapolitiki Victoire Ingabire wasabaga ko ingingo ya 106 yo mu gitabo cy’amategeko ahana, ikurwaho kuko ivuguruza zimwe mu ngingo z’itegekonshinga.

Ingabire watawe muri yombi mu kwezi kwa Kamena (6) umwaka 2025, avuga ko habayeho ukwivanga mu bubasha bw’ubushinjacyaha bwategetswe kumukoraho iperereza kandi bugomba gukora bwigenga.

Victoire Ingabire ni we watanze ikirego asaba ko ingingo ya 106 yo mu gitabo cy’amategeko ahana yemezwa ko inyuranya n’itegekonshinga bityo igakurwaho.

Iyi ngingo iha ububasha umucamanza bwo kuba yakurikirana umuntu utavugwaga mu rubanza runaka ariko hakaboneka impamvu zituma uyu muntu akekwa.

Ingabire avuga ko iyi ngingo yamwambuye uburenganzira buteganywa n’itegekonshinga bwogufatwa nk’umwere mu gihe atarahamwa n’icyaha.

Urukiko ariko ruvuga ko rusanga ihame ryo gufatwa nk’umwere ryarubahirijwe kuko hasabwe ko habaho iperereza kandi ko nta nkurikizi zari kubaho iyo ritabona ibimenyetso bimushinja.

Umucamanza yavuze ko yategetse ko habaho iperereza kuko izina rya Ingabire ryavugwaga kenshi mu rubanza rw’abantu 9 baregwa gushaka guhungabanya ubutegetsi.

Kuba umucamanza yarategetse ko habaho iperereza kandi ari inshingano z’ubushinjacyaha, Ingabire avuga ko habayeho kwivanga ku rwego mu mikorere y’urundi rwego.

 egretnewseditor@gmail.com