Umushikiranganji wa mbere wa Canada Justin Trudeau avuga ko Leta yiwe iriho iragerageza kumenya amakuru ahagije ku munyagihugu wabo agira gatatu yafatiwe mu Bushinwa.
Abandi babiri bafashwe haheze umwanya muto igiporisi cya Canada gifashe umutegetsi w’umushinwa w’ikompanyi y’itumanaho ku busabe bwa Leta zunze ubumwe za Amerika kw’itariki ya 1 y’ukwezi kwa cumi na kabiri.
Meng Wanzhou yagirizwa kutubahiriza ibihano Amerika yafatiye Irani.Umushikiranganji w’Ubushinwa ajejwe imigenderanire n’amakungu yavuze ko abo banya-Canada bagirizwa kubangamira umutekano w’igihugu. Nta yandi makuru arenze ayo Ubushinwa butanga.
