<\/p>\n
Akumba gato k’inama kari kakubise kuzuye ubwo urwego rw’abanyamakuru bigenzura rwumvaga ikirego cyatanzwe n’ihuriro ry’abagore barega radiyo Amazing Grace.<\/p>\n
Umukuru w’iri huriro Madame Jeanne d’Arc Kanakuze wari ugaragiwe n’abandi bagore ni we wagaragaje icyatumye barega.<\/p>\n
Umuyobozi wa Radio Amazing Grace, Umunyamerica Gregory Brian Shoof, yavuze ko yababajwe n’amagambo ya Nicolas Niyibikora kandi ko yari agitegereje ko ikiganiro gihindurwa mu Cyongereza kugira ngo abone uko akisobanuraho.<\/p>\n
Ibi ariko byabaye nk’ibidashimishije inteko yumvaga ikirego kuko bagaragaje ko batumbva ukuntu umuyobozi wa radiyo yamara igihe kingana nk’igishize atarumva uburemere bw’ibyatambukijwe na radiyo ye.<\/p>\n Yavuze ko impamvu nkuru ari uko adafite umukozi ushinzwe kugenzura ibitambuka kuri radiyo kandi wumva Ikinyarwanda.<\/p>\n Ibi byahise bizamura igisa n’uburakari bw’abaje bahagarariye abagore.<\/p>\n Nyuma y’itangazwa ry’iki cyemezo, ikigo ngenzuramikorere Rura, cyasabwe guhita gikura ku murongo iyi Radio ndetse itegekwa no gusaba imbabazi mu gihe kitarenze amasaha 48.<\/p>\n Umuvugabutumwa Nicolas Niyibikora nawe yategetswe gusaba imbabazi abo yasebeje, ariko izi mbabazi ngo ntizivanaho ibishobora kugaragara nk’ibyaha bizatahurwa mu iperereza ryatangijwe n’igipolisi bitegetswe n’umushinjacyaha mukuru.<\/p>\n