{"id":19059,"date":"2025-02-20T19:50:22","date_gmt":"2025-02-20T19:50:22","guid":{"rendered":"https:\/\/egretnews.com\/?p=19059"},"modified":"2025-02-20T20:34:25","modified_gmt":"2025-02-20T20:34:25","slug":"files-numbers-gen-james-kabarebe-zimukozeho-hamwe-na-kanyuka","status":"publish","type":"post","link":"https:\/\/egretnews.com\/index.php\/2025\/02\/20\/files-numbers-gen-james-kabarebe-zimukozeho-hamwe-na-kanyuka\/","title":{"rendered":"Files numbers Gen.James Kabarebe zimukozeho hamwe na Kanyuka"},"content":{"rendered":"

Amerika irashinja James Kabarebe wahoze ari minisitiri w’ingabo mu Rwanda ko ari we uri hagati y’ubufasha u Rwanda ruha M23. <\/em><\/span>Ibiro bishinzwe kugenzura umutungo wo hanze<\/span> Office of Foreign Assets Control<\/span> (OFAC<\/span>) bya Minisiteri y’Imari ya Leta Zunze Ubumwe za Amerika byashyize James Kabare na Lawrence Kanyuka ku rutonde rw’abo byafatiye ibihano<\/span>.<\/em><\/p>\n

<\/p>\n

Itangazo rya Minisiteri y’Imari ya Amerika rivuga ko Kabarebe ari we “uri hagati y’ubufasha u Rwanda ruha M23”, umutwe ONU ishinja ibikorwa bihonyora uburenganzira bwa muntu, nk’uko iyo minisiteri ibivuga.<\/em><\/p>\n

Kabarebe \u2013 wahoze mu ngabo z’u Rwanda ku ipeti rya jenerali – ubu ni Umunyamabanga wa Leta y’u Rwanda ushinzwe Ubutwererane bw’Akarere muri Minisiteri y’Ububanyi n’Amahanga.<\/em><\/p>\n

Umuvugizi wa Guverinoma y’u Rwanda, Yolande Makolo, yasubiwemo n’ibinyamakuru mu Rwanda avuga ko ibihano nk’ibi bidashobora kuba umuti w’ikibazo kimaze imyaka myinshi.<\/em><\/p>\n

Ibinyamakuru bisubiramo Makolo agira ati: “Iyo ibihano biza kuba byakemura ikibazo kiri mu burasirazuba bwa RDC<\/span>, mu karere twari kuba twarabonye amahoro mu myaka myinshi ishize.’<\/em><\/p>\n

Kabarebe ni we mutegetsi wa mbere wo hejuru mu Rwanda ufatiwe ibihano na Amerika kubera intambara iri muri DR Congo<\/span> muri iki gihe.<\/em><\/p>\n

Amerika kandi yashyize Lawrence Kanyuka<\/span> \u2013 umuvugizi w’ihuriro AFC\/M23<\/span> \u2013 ku rutonde nk’urwo rw’abo yafatiye ibihano, “hamwe na kompanyi ze ebyiri zanditse mu Bwongereza no mu Bufaransa”, nk’uko iryo tangazo ribivuga.<\/em><\/p>\n

James Kabarebe<\/span> cyangwa Lawrence Kanyuka<\/span> ntacyo baravuga ku byakozwe na leta ya Amerika.<\/em><\/p>\n

\"\"<\/p>\n

Bradley T. Smith wo muri iyo Minisiteri ya Amerika yavuze ko ibihano byatangajwe uyu munsi “bishimangira ubushake bwacu bwo kuryoza abantu b’ingenzi n’abategetsi nka Kabarebe na Kanyuka, barimo gufasha RDF (igisirikare cy’u Rwanda) na M23 ibikorwa byo guhungabanya uburasirazuba bwa DR Congo”.<\/em><\/p>\n

Amerika ivuga ko yahagaritse kompanyi ebyiri za Lawrence Kanyuka ziri mu Bwongereza no mu Bufaransa<\/em><\/p>\n

Abategetsi b’u Rwanda bahakana ibirego bashinjwa na ONU<\/span> na leta ya Kinshasa ko ingabo z’u Rwanda zibarirwa mu bihumbi zifasha M23<\/span>, bakavuga ko u Rwanda rwafashe ingamba zo kurinda imbibi zarwo.<\/em><\/p>\n

U Rwanda na ONU bashinja ingabo za FARDC<\/span> gukorana n’umutwe wa FDLR<\/span> urwanya ubutegetsi bwa Kigali, Perezida Paul Kagame w’u Rwanda akavuga ko icyo ari ikibazo amahanga adafata nk’igikomeye, ariko ko ku Rwanda ari ikibazo gikomeye.<\/em><\/p>\n

Amerika ivuga ko Kabarebe ari we “ugenzura byinshi mu byinjizwa n’u Rwanda na M23 bivuye mu mabuye y’agaciro muri DR Congo<\/span>“. Ko ari we ugenzura kuvana amabuye y’agaciro mu birombe bya DRC akagera mu Rwanda mbere yo koherezwa mu mahanga.<\/em><\/p>\n

Ibirego byo gucuruza amabuye y’agaciro ya Congo abategetsi b’u Rwanda bagiye babihakana mbere, bavuga ko ari ibirego bihimbwa n’abategetsi ba Congo kuko bananiwe gucunga neza ubucukuzi bw’ibirombe ibibazo birimo bakabishinja abandi.<\/em><\/p>\n

\"\"<\/p>\n

Leta ya Amerika ivuga ko ibi bihano yafashe bireba companyi za Lawrence Kanyuka zitwa Kingston Fresh LTD<\/span> itanga serivisi z’ibiribwa ikorera mu Bwongereza na Kingston Holding y’ibijyanye n’ubujyanama mu bucukuzi bw’amabuye y’agaciro ikorera mu Bufaransa<\/span>.<\/em><\/p>\n

Ibi bihano bisobanuye iki?<\/strong><\/em><\/span><\/p>\n

Leta ya Amerika ivuga ko ibi bihano bivuze ko “imitungo yose hamwe n’inyungu” by’aba bantu biri muri Amerika, cyangwa se ari ibyabo ariko bigenzurwa n’abari muri Amerika, bifunzwe, kandi n’ibindi byabo bigomba kubwirwa biriya biro bya OFAC.<\/em><\/p>\n

Si ubwa mbere Amerika cyangwa ibihugu by’i Burayi n’Ubumwe bw’Uburayi bifatiye ibihano abantu ku giti cyabo bibashinja uruhare mu bikorwa bitera umutekano mucye mu burasirazuba bwa DR Congo.<\/em><\/p>\n

Mu mwaka wa 2022 na 2023 Amerika yafatiye ibihano:<\/em><\/p>\n