{"id":15045,"date":"2022-11-09T14:36:18","date_gmt":"2022-11-09T14:36:18","guid":{"rendered":"https:\/\/egretnews.com\/?p=15045"},"modified":"2022-11-11T11:05:19","modified_gmt":"2022-11-11T11:05:19","slug":"fbi-yaba-yaramenye-ko-rwanda-ruha-amerika-amakuru-yibinyoma","status":"publish","type":"post","link":"https:\/\/egretnews.com\/index.php\/2022\/11\/09\/fbi-yaba-yaramenye-ko-rwanda-ruha-amerika-amakuru-yibinyoma\/","title":{"rendered":"FBI Yaba Yaramenye ko uRwanda Ruha Amerika Amakuru y’Ibinyoma"},"content":{"rendered":"\n
\"FBI
FBI ni ikigo cy’Amerika gishinzwe ubugenzacyaha<\/figcaption><\/figure>\n\n\n\n

Leta y\u2019u Rwanda iravugwaho gutanga amakuru y\u2019ibinyoma ku nzego z\u2019ubutasi z\u2019Amerika no ku muryango mpuzamahanga uhuza inzego za polisi z\u2019ibihugu-Interpol mu gukurikirana abatavuga rumwe n\u2019ubutegetsi baba mu mahanga.<\/p>\n\n\n\n\n\n\n\n

Ibyo bikubiye mu nyandiko yashyizwe ahagaragara n\u2019umuryango mpuzamahanga w\u2019abanyamakuru bakora inkuru z\u2019ubucukumbuzi kuri ruswa no ku byaha bitegurwa n\u2019amatsinda y\u2019abantu bakomeye.<\/p>\n\n\n\n

Umuryango mpuzamahanga OCCRP w\u2019abanyamakuru bibanda ku nkuru zicukumbuye ku byaha bitegurwa ndetse na ruswa, uvuga ko ibikubiye mu nyandiko yawo bishingiye kuri raporo y\u2019ibanga wabonye y\u2019urwego rw\u2019ubugenzacyaha rw\u2019Amerika-FBI.<\/p>\n\n\n\n

Iyo raporo yemeza ko ubutegetsi bw\u2019u Rwanda bumaze imyaka myinshi bukorera ku butaka bw\u2019Amerika ibikorwa nk\u2019ibyo byo guha inzego zishinzwe iby\u2019iperereza n\u2019ubugenzacyaha amakuru y\u2019ibinyoma bugamije guta muri yombi abatavuga rumwe nabwo.<\/p>\n\n\n\n

Iyi raporo, nk\u2019uko umuryango OCCRP ubitangaza, igaragaza ko kuva mu mwaka w\u20192015, leta y\u2019Amerika yari ibizi ko abategetsi ba leta y\u2019u Rwanda bagerageje kenshi kuyobya no gukorana n\u2019inzego zishinzwe umutekano z\u2019Amerika ngo babashe kwibasira abanenga Perezida Kagame.<\/p>\n\n\n\n

Muri iyi raporo yanditswe mu gihe Perezida Kagame yiteguraga kwiyamamariza manda ya gatatu, urwego rw\u2019ubugenzacyaha FBI rwaburiye abadipolomate bakuru muri Amerika ko u Rwanda\u00a0 rukoresheje inzego zarwo z\u2019ubutasi rurimo gukwirakwiza amakuru y\u2019ibinyoma muri Amerika ku byerekeranye n\u2019abanyarwanda basaba ubuhunzi muri Amerika hamwe n\u2019abatavuga rumwe n\u2019ubutegetsi.<\/p>\n\n\n\n

Gutatira Ikizere<\/strong><\/p>\n\n\n\n

Raporo ya FBI iti: \u201cmu mayeri yarwo {y’u Rwanda} harimo gutanga amakuru y\u2019impuha cyangwa ayobya ku nzego zishinzwe umutekano ko abo bantu baba hari ibyaha bakurikirwanyweho, agakwirakwizwa na ba maneko barwo biyoberanya nk\u2019abashaka gufasha leta y\u2019Amerika. Ubundi rukagerageza gukoresha nabi itegeko ry\u2019Amerika ryerekeranye n\u2019abimukira ndetse na gahunda yo gushakisha abakekwaho ibyaha ya Interpol.\u201dUbu buryo kandi, umuryango OCCRP uvuga ko bwageragejwe no kuri Paul Rusesabagina, wakatiwe n\u2019inkiko, ubu akaba afungiye mu Rwanda, nyamara uburyo yahageze bukaba butavugwaho rumwe.<\/p>\n\n\n\n

Raporo ya FBI ivuga ko mu mwaka w\u20192011, ni ukuvuga imyaka 9 mbere y\u2019uko ashimutwa, Leta y\u2019u Rwanda yandikiye ibaruwa abategetsi b\u2019Amerika ibasaba gukora amaperereza ku makuru y\u2019uko Bwana Rusesabagina yaba atera inkunga abagaba ibitero ku Rwanda.<\/p>\n\n\n\n

Iyi nyandiko ya OCCRP ikavuga ko icyo ari ikirego cyari cyarahinduwe akamenyero ku batavuga rumwe n\u2019ubutegetsi. Uyu muryango uvuga ko hagati y\u2019umwaka wa 2012 na 2014, urwego FBI rwaperereje ku bantu bafite aho bahuriye n\u2019ishyaka RNC ritavuga rumwe n\u2019ubutegetsi bw\u2019u Rwanda.<\/p>\n\n\n\n

Ibyo bikaba byarabaye nyuma y\u2019aho iryo shyaka naryo ubutegetsi bw\u2019u Rwanda buritanzeho amakuru ko ririmo gutera inkunga imitwe y\u2019iterabwoba muri ako karere k\u2019Afurika y\u2019ibiyaga bigari. Nyamara uru rwego nta gihamya cy\u2019icyo cyaha rwabonye.<\/p>\n\n\n\n

Nyamara muri raporo yayo, FBI yavuze ko amaperereza yayo \u201cyagiye abangamirwa n\u2019inzego z\u2019ubutasi z\u2019u Rwanda, binyuze kuri ba maneko bazo b\u2019ibirumirahabiri bakorera muri Amerika batangaga amakuru y\u2019ibinyoma ku bakozi barwo babaga bari mu iperereza.\u201d<\/p>\n\n\n\n

Umwe mu bagaragara ko bakiriye raporo ya FBI ni Linda Thomas-Greenfield, wari umunyamabanga wungirije mu biro bya Minisiteri y\u2019ububanyi n\u2019amahanga bishinzwe ibibazo by\u2019Afurika, ubu akaba ari ambasaderi w\u2019Amerika muri LONI. Nyamara umuryango OCCRP wavuze ko ibiro bye bitifuje kugira icyo bitangaza kuri ibi, nubwo yari yohererejwe ibibazo kuri e-mail.<\/p>\n\n\n\n

Bwana Todd Hulsey, impuguke mu kugenzura amakuru y\u2019ubutasi wahoze akorera FBI yabwiye OCCRP ko \u201cbigaragara ko buri izifite ubutegetsi bw\u2019igitugu ku buryo abatavuga rumwe nabwo babuhunga buzajya bugerageza gukoresha uburyo bwose bw\u2019ikoranabuhanga mu bikorwa bihiga abo batavuga rumwe nabwo.\u201d Aha akaba yatanze ingero z\u2019ibihugu nk\u2019Uburusiya, Ubushinwa na Cuba. Iyi mpuguke yongeyeho iti: \u201cAriko ntibisanzwe ko igihugu cy\u2019igifatanyabikorwa, gikorera ibikorwa nk\u2019ibyo byo gukwiza impuha ku butaka bw\u2019Amerika kigamije kwibasira abatavuga rumwe nacyo.\u201d<\/p>\n\n\n\n

Amerika Ishobora Gusuzuma Inkunga Yahaga u Rwanda<\/strong><\/p>\n\n\n\n

Leta y\u2019Amerika ni umwe mu baterankunga bakomeye b\u2019ubutegetsi bw\u2019u Rwanda. Iyi nyandiko y\u2019umuryango OCCRP ivuga ko mu mwaka w\u2019ingengo y\u2019imari wa 2021, leta y\u2019Amerika yahaye u Rwanda inkunga ingana miliyoni 147 z\u2019amadolari.<\/p>\n\n\n\n

Iyo yaporo ya FBI kandi ivuga ko inzego z\u2019ubutasi z\u2019u Rwanda, zaba zaranagerageje gukoresha umuhuza mu gukwirakwiza amakuru asebanya ku banyamuryango ba RNC, hagamijwe ko birukanwa ku butaka bw\u2019Amerika. Uwo muhuza yo yiyemereye ko yakoranye nazo ku manza zigera kuri 40. Uwo muntu ngo yanatanze amakuru y\u2019ibinyoma ko abayobozi ba RNC barimo gucura umugambi wo kwica Perezida Kagame mu rugendo yari kugirira muri Amerika muw\u20192011.<\/p>\n\n\n\n

Umuryango OCCRP ukavuga ko urwego FBI na Minisiteri y\u2019Ububanyi n\u2019Amahanga y\u2019Amerika banze kugira icyo bavuga kuri ibi. Yewe, n\u2019umuvugizi wa leta y\u2019u Rwanda akaba atasubije ku bibazo yohererejwe n\u2019uyu muryango.<\/p>\n\n\n\n

Dushingiye kuri iyi raporo kandi, Leta y\u2019u Rwanda yanakoresheje nabi umuryango Interpol \u2013uhuza za polisi z\u2019ibihugu, ufite icyicaro mu gihugu cy\u2019Ubufaransa, mu gukurikirana abatavuga rumwe nayo baba mu mahanga. Ugarukwaho mu nyandiko ya OCCRP, ni Leopold MUNYAKAZI wahoze umwarimu wa kaminuza, n\u2019umuyobozi mu rugaga rw\u2019abakozi mu Rwanda, CESTRAR. Uyu OCCRP ivuga ko yatawe muri yombi muri Amerika aho yigishaga ndetse aza koherezwa mu Rwanda muw\u20192016.<\/p>\n\n\n\n

Leta y\u2019u Rwanda ngo yasabye Interpol kumushyiriraho inyandiko zimushakisha muw\u20192006 na 2008, nyuma y\u2019aho yumvikanye anenga ubutegetsi bw\u2019u Rwanda. Raporo ya FBI ivuga ko abadipolomate b\u2019u Rwanda baba muri Amerika ndetse n\u2019abatasi barwo bakurikiranye ibikorwa bya Munyakazi kuva muw\u20192011 kugeza muw\u20192013.<\/p>\n\n\n\n

Umuryango OCCRP uvuga ko ibirego leta y\u2019u Rwanda yaregaga Munyakazi byagiye bihindagurika, kuva ku kuba umunyamuryango wa RNC kugeza ku kuvuga ko ashakishwa kubera ibyaha bifitanye isano na Jenoside.<\/p>\n\n\n\n

Inyandiko y\u2019umuryango OCCRP ivuga ko inzego zishinzwe abinjira n\u2019abasohoka muri Amerika zaje guperereza kuri Munyakazi birangira zimwohereje mu Rwanda, kubera ibirego byo guhonyanga uburenganzira bwa muntu, nubwo raporo ya FBI yavuze ko amaperereza yayo yinjiriwe n\u2019umumaneko wa leta y\u2019u Rwanda, ikanashyira ugushidikanya ku byo aregwa.<\/p>\n\n\n\n

Umuryango OCCRP uvuga ko n\u2019abategetsi bakuru bibasirwa. Ugatanga urugero rwa Eugene-Richard Gasana wahoze ari ambasaderi w\u2019u Rwanda muri LONI kugeza ubwo atemeranyije n\u2019icyemezo cyo guhindura itegeko nshinga muw\u20192015. Umunyamategeko wa Bwana Gasana yabwiye umuryango OCCRP ko umukiriya we yari abizi ko adashobora gusubira mu gihugu cye cy\u2019amavuko maze ahitamo gutura muri New York.<\/p>\n\n\n\n

Hadaciye igihe ngo yahise atangira gushinjwa n\u2019ubutegetsi bw\u2019u Rwanda gushyigikira imitwe y\u2019inyeshyamba. Umunyamategeko we yabwiye urukiko rw\u2019I New York ko Amerika yakoze amaperereza kuri ibyo birego igasanga bidafite ishingiro. Ni mu gihe inyandiko ya Interpol yo yerekanaga ko urwo rwego rwa polisi mpuzamahanga rwasanze ibyo birego bishingiye ku nyungu za politiki.<\/p>\n\n\n\n

Nyuma, hahise hakurikiraho ikirego cy\u2019uko Eugene-Richard Gasana yaba yarigeze gusambanya ku ngufu umukobwa wakoreraga imenyerezamwuga mu biro bye mu myaka yabanje. Ibyo nabyo inzego z\u2019umutekano muri New York ngo zarabikurikiranye zisanga nta shingiro bifite.<\/p>\n\n\n\n

Muw\u20192020, Interpol yongeye gutanga impuruza yo guta muri yombi Gasana ubwo leta y\u2019u Rwanda yari igaruye icyo kirego. Nyamara inyandiko y\u2019imbere muri Interpol umuryango OCCRP wabonye ivuga ko \u201cibyo leta y\u2019u Rwanda ikurikiranyeho Ambasaderi Gasana byiganjemo ibishingiye ku nyungu za politiki.\u201d<\/p>\n\n\n\n

Ijwi ry’Amerika ntiryahise ribona umuvugizi wa Guverinoma y’u Rwanda ngo agire ibisobanuro atanga ku byatangajwe muri iyi raporo. Turacyamushakisha.<\/p>\n","protected":false},"excerpt":{"rendered":"

Leta y\u2019u Rwanda iravugwaho gutanga amakuru y\u2019ibinyoma ku nzego z\u2019ubutasi z\u2019Amerika no ku muryango mpuzamahanga uhuza inzego za polisi z\u2019ibihugu-Interpol mu gukurikirana abatavuga rumwe n\u2019ubutegetsi baba mu mahanga.<\/p>\n","protected":false},"author":1,"featured_media":0,"comment_status":"closed","ping_status":"open","sticky":false,"template":"","format":"standard","meta":{"_bbp_topic_count":0,"_bbp_reply_count":0,"_bbp_total_topic_count":0,"_bbp_total_reply_count":0,"_bbp_voice_count":0,"_bbp_anonymous_reply_count":0,"_bbp_topic_count_hidden":0,"_bbp_reply_count_hidden":0,"_bbp_forum_subforum_count":0,"footnotes":""},"categories":[149],"tags":[],"class_list":["post-15045","post","type-post","status-publish","format-standard","hentry","category-intel"],"_links":{"self":[{"href":"https:\/\/egretnews.com\/index.php\/wp-json\/wp\/v2\/posts\/15045","targetHints":{"allow":["GET"]}}],"collection":[{"href":"https:\/\/egretnews.com\/index.php\/wp-json\/wp\/v2\/posts"}],"about":[{"href":"https:\/\/egretnews.com\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/egretnews.com\/index.php\/wp-json\/wp\/v2\/users\/1"}],"replies":[{"embeddable":true,"href":"https:\/\/egretnews.com\/index.php\/wp-json\/wp\/v2\/comments?post=15045"}],"version-history":[{"count":2,"href":"https:\/\/egretnews.com\/index.php\/wp-json\/wp\/v2\/posts\/15045\/revisions"}],"predecessor-version":[{"id":15058,"href":"https:\/\/egretnews.com\/index.php\/wp-json\/wp\/v2\/posts\/15045\/revisions\/15058"}],"wp:attachment":[{"href":"https:\/\/egretnews.com\/index.php\/wp-json\/wp\/v2\/media?parent=15045"}],"wp:term":[{"taxonomy":"category","embeddable":true,"href":"https:\/\/egretnews.com\/index.php\/wp-json\/wp\/v2\/categories?post=15045"},{"taxonomy":"post_tag","embeddable":true,"href":"https:\/\/egretnews.com\/index.php\/wp-json\/wp\/v2\/tags?post=15045"}],"curies":[{"name":"wp","href":"https:\/\/api.w.org\/{rel}","templated":true}]}}