Kongo: Abakatolika mu Myiteguro yo Gusubira Kwiyamiriza Kabila
Urunani CLC, ruhurikiyemwo amashirahamwe agwiriyemwo abakatolika muri Kongo, rwahamagariye abanyagihugu mu yindi myiyerekano yo gusaba Perezida Kabila kuva ku butegetsi.
Mw’itangazo urwo runani rwasohoye rwanditse ruti: “kw’igenekerezo rya 25 dusidukane n’iyonka, twiyamirize intwaro y’agakenye tutaravye ubudasa bw’amashengero canke amadini twegukira.”
Amatora y’uzasimbura Perezida Jospeh Kabila, ategekanijwe kw’italiki ya 23 z’ukwezi kwa cumi na kabiri uno mwaka.
Abariko batunganya imyiyerekeno, basaba Perezida Kabila kudasubira kwitoza, basigura ko manda ziwe zibiri yararekuriwe n’amategeko zaheze mu mwaka wa 2016.
Ishirahamwe mpuzamakungu ONU, ryemeza ko abagera kuri 15 aribo baguye mu myiyerekano yari yatunganijwe n’abakatolika mu mpera z’umwaka wa 2017.
